Pas Serbisë edhe Danimarka ka kundërshtuar vendimin e Gjykatës së Arbitrazhit në Lozanë që i dha 3 pikë në tavolinë Shqipërisë.
Trajneri i Danimarkës, nuk ka përdorur qetësinë skandinave por është shprehur i zemëruar, ngaqë ngjitha e Shqipërisë i prish shumë punë skuadrës së tij.
“Kjo është komplet e pakuptueshme, ky është një turp. Gjërat po shkojnë kundër nesh gjithmonë. Pas këtij vendimi, gjërat na janë vështirësuar, duhet të jemi realistë. Mirëpo, ne mund të vendosim vetë, në shtëpi duhet ta mposhtim Shqipërinë. i kemi edhe dy ndeshje më pas kundër Portugalisë dhe Serbisë.
Është bërë i vështirë kualifikimi në Kampionat Evropian”deklaroi Olsen.
Më 4 Shtator Shqipëria do të zhvillojë ndeshjen e parë nga 4 të mbeturat me Danimarkën më pas me Portugalinë, Serbinë dhe Armeninë. Aktualisht Shqipëria ka 10 pikë, aq sa Danimarka, por në vendin e dytë nga golavarazhi. Nëse 3 pikëshin do ta kishte mbajtur Serbia siç ndodhi në UEFA, danezët do të ecnin më të sigurtë drejt kualifikimit.
