Pronari i Agon Channel, Francesco Becchetti, është vlerësuar me masën arrest me burg edhe nga Gjykata e Apelit të Tiranës, ndërkohë që vetë i akuzuari nuk ndodhet në Shqipëri.
Apeli ka vendosur këtë massë edhe për ortakun e tij, Mauro De Renzi, mbi të cilët rëndojnë një sërë akuzash duke nisur që nga “vjedhje duke shpërdoruar detyrën”, “krijimi i skemave mashtruese me qëllim përfitim të paligjshëm të parave”, “pastrimi të parave”, “mospagim taksash”, si dhe “kontrabandë me qëllim shmangien e detyrimit doganor”.
Beccheti nuk ndodhet prej kohësh në Shqipëri por kompanitë e tij janë paralizuar duke lënë rrugëve qindra punonjës që nuk dinë kujt ti drejtohen.
Vetëm pak ditë më parë, Prokuroria e Tiranës përfundoi hetimet në ngarkim të biznesmenit italian dhe 4 personave të tjerë të përfshirë në hetimin e organit të akzuës.
Grupi hetimor bën të ditur se ka provuar skemën, përmes së cilës biznesmeni italian ka kryer rreth 770 milionë lekë evazion në dëm të shtetit.
/tesheshi.com/
