Policia shqiptare ndërrmori një tjetër operacion antidrogë të koduar “Tempulli 2”, duke vënë në pranga mbi 200 persona.
Numri një i uniformave blu, Kryepolici Muhamet Rrumbullaku, shkruan kështu për zhvillimin e orëve të fundit:
“Ka qenë një operacion i suksesshëm. Operacioni Tempulli 2 ka filluar në javën e parë të muajt dhjetor, dhe
përgjatë kësaj kohe Drejtoria e Përgjithshme e Policisë, në bashkëpunim të ngushte me Prokurorinë e Përgjithshme kanë iniciuar 66 hetime proaktive, për goditjen e anëtarëve të grupeve kriminale. Janë marrë 295 urdhra ndalimi dhe vendime arresti, si dhe 306 vendime kontrolli. Nga operacioni policia ka arritur të finalizoj arrestimin për 273 shtetas dhe janë sekuestruar një sërë provash materiale që dëshmojnë aktivitetin e tyre kriminal. Faza e dytë e operacionit nuk lidhet vetëm me shkollat por me të gjithë vendin dhe në zonat komunitare. Fokusi i Policisë së Shtetit ka qenë goditja e fenomenit të shpërndarjes së naroktikës tek adoleshentët. Në këtë operacion përveç çështjeve që lidhen me lëndën narkotike, janë sekuestruar edhe prova që kanë të bëjmë me tërësinë e operacionit vijues ‘Sundimi i ligjit’”.
Dhe në këtë operacion, ka veçuar arrestimi i një këshilltari bashkiak të djathtë, më saktë nga grupimi “Bashkë Fitojmë” në Elbasan.
Ai është Franko Hakilja, i cili akuzohet për prodhim dhe shitje të lëndëve narkotike. /tesheshi.com/
