Profesori amerikan që para pak muajsh do sulmonte Ramën për partneritetin e tij me Erdoganin, e ka bërë sërish të njëjtën gjë por kësaj here lidhur me zgjedhjet e 30 qershorit, duke mos i pranuar ato, pikërisht në emër të standarteve demkratike, për të cilat dhe u zhvilluan, sipas tezës së Ramës që u përputh me atë të Ramës.
David Philips i Institutit për Paqe në Universitetin Kolumbia në Neë York, në këtë pikë qëndron në kahjen e opozitës, më saktë presidentit Meta, e për më tepër kritikon administratën e vendit të tij që njohu e njeh 30 qershorin.
“Ajo që duhet të kishte ndodhur, duhet të kishte qenë shtyrja e zgjedhjeve sipas rekomandimit të Presidentit Meta. Votuesit shqiptarë kanë nevojë të kenë një alternativë. Qeveria e SHBA-së duhet të këmbëngulë që ata të kenë një alternativë, përpara se t’i çertifikojnë zgjedhjet dhe të thonë se janë të lira e të drejta. Ka ndodhur një shpërfytyrim i demokracisë nga qeveria shqiptare dhe qeveria e Shteteve të Bashkuara të Amerikës ka mbyllur një sy lidhur me këtë. Mendoj se është për të ardhur keq që SHBA-ja e ka lejuar këtë të ndodhë. Këto zgjedhje duhet të ribëhen më 13 tetor. Duhet kaluar nëpër një proces të besueshëm për t’u përgatitur për zgjedhjet në mënyrë që të gjithë shqiptarët të kenë një zë. Përndryshe këto zgjedhje do të shënojnë vdekjen e demokracisë në Shqipëri dhe jo një hap tjetër drejt demokratizimit të vendit”, tha Philips për VOA-n.
Megjithatë, ai kritikoi dhe bojkotin opozitar.
“Opozita duhet të reflektojë me kujdes lidhur me rolin e saj. Bojkotimi i zgjedhjeve nuk është politikë. Bojkoti nuk ka të bëjë me demokracinë. Nëse Partia Demokratike dëshiron të fitojë më shumë mbështetje nga njerëzit, ajo ka nevojë të paraqesë një alternativë të besueshme”, tha profesori David Philips, kritik me Ramën, qëkur ky i fundit u shfaq si njeri i afërt me presidentin turk.
Philips, njihet për qëndrimet e tij të forta anti-turke, duke e parë Ballkanin si të rrezikuar nga inflenca e Ankarasë nën politikat e Erdoganit. /tesheshi.com/
