Nga Gjon Neçaj
Si kudo, edhe në Bajram Curr ndjehen ethet elektorale. Por në qytetin verior, deri më tani këmba e të mëdhenjve ende nuk ka shkelur. Edhe pse Tropoja ka qenë nje investim i fuqishëm në zhvillimet demokratike, për mirë a për keq si kudo në Shqipëri, ajo sërish nuk e ka fituar vëmendjen për të qenë në qendër të vëmendjes. Duket sikur politika në përgjithësi, karshi Tropojës, ka vepruar me devizën mbrapshtë “vrafshi veten!”
Por çdo ndodh këto ditë në Tropojë, dhe posaçërisht në Bajram Curr. E veçanta është se për bashkinë e këtij qyteti, rivalizojnë tre emra, që të tre demokratë, pavarsisht se njëri prej tyre gëzon tashmë vetëm statusin e “ish”-it në PD.
Fjala është për Rrexhë Byberin, ish-numri 2 i PD-së lokale, aktualisht kreu i komunës Margegaj, që ka vendosur t`i bashkohet LSI-së, e që synon pra të marrë frenat e qeverisjes së qytetit pikërisht nën siglën e partisë së Ilir Metës, ose ndryshe të ASHE (Aleancës për Shqipëri Europiane)
Përballë tij është Besnik Dushajt që kandidat nën siglën e PD-së, ish-deputet në Kuvendin e Shqipërisë, si dhe ish-kryetari i bashkisë, Agron Demushi, tashmë si i pavarur. Ndërkohë që Dushaj ka qenë dhe kryetar i PD-së lokale. Pra, që të tre janë pothuajse të një familjeje politike.
Fushata vijon e qetë dhe secili kandidat shpalos programin e tij. Ibrahim Malaj, pensionist, shkrimtar dhe studiues lokal, thotë se duhet votuar për njeriun e punës dhe atë që mban premtimet.
Këtë ide e përforcon edhe i riu Besart Tafaj, student dhe poet i ri, të cilët nuk janë për një votim partiak të njerëzve, por për një votim që të shoqërohet nga arsyeja e ftohtë mbi kandidatët, besueshmërinë dhe aftësitë e tyre. /tesheshi.com/
