Minuta e fundit e muajit qershor do të zgjasë 61 sekonda! Një fakt kjo lidhet me rrotullimin e parregullt të Tokës, shumë më pak i disiplinuar se orët atomike. Por kjo sekondë shtesë është vënë në pikëpyetje nga disa vende, që dëshirojnë ta heqin.
Mirëpo procedura, që konsiston në shtimin e një sekonde më shumë për rakordimin e dy shkallëve të kohës, asaj të natyrës dhe të teknologjisë, ka ngjallur kritika dhe orët e tyre janë ndoshta të llogaritura.
Në mbarë botën, mbrëmjen e 30 qershorit, duke hyrë 1 korriku, sipas Kohës Universale të Koordinuar (UTC), minuta që hyn mes orës 23.59 dhe 00.00 do të zgjasë një sekondë më shumë se normalja. Në Francë, kjo sekondë e shtuar do të ndodhë mes orës 01.59 dhe 02.00 të mëngjesit të 1 korrikut.
Kur Koha Universale e Koordinuar u krijua në vitin 1972 nga një marrëveshje ndërkombëtare, u ra dakord se ndryshimi mes dy afateve nuk duhet të kalonte 0,9 sekonda.
“Njerëzit nuk do ta vërejnë diferencën. Por nëse janë shumë të interesuar, ata mund ta rregullojnë orën e tyre në sekondën tjetër”, shpjegon Daniel Gambis, drejtor i Shërbimit të Rrotullimit të Tokës, i ngarkuar që të përcaktojë në nivel ndërkombëtar shtimin e këtyre sekondave të ndërfutura.
