Ylli i Hollivudit, Dwayne Johnson, i cilësuar “The Rock” e ka quajtur një djalë 10-vjeçar një “hero të jetës së vërtetë”, pasi i djaloshi kopjoi një skenë nga një prej filmave të tij dhe e shpëtoi jetën e vëllait të tij të vogël.
Kur Jacob O’Connor gjeti dyvjeçarin Dylan në pishinë, ai nuk nxitoi për të kërkuar ndihmë tek një i rritur, por kujtoi një lëvizje nga një prej filmave të tij të preferuar, San Andreas.
Jakobi arriti të nxirrte vëllain e tij nga pishina dhe filloi t’i jepte atij shtytje në kraharor, ashtu siç e kishte bërë “The Rock” në film.
Dylan u dërgua pastaj në spital ku mori mjekimin e mëtejshëm.
Kur dëgjoi për ndërhyrjen e mrekullueshme të Jakobit, aktori Dwayne Johnson shkroi: “Histori e mahnitshme! Ju jeni një hero i vërtetë i jetës, jemi të gjithë krenarë për ty!”
Nëna e Jakobit, Christa O’Connor, i tha BBC-së se “unë nuk i gjej dot fjalët, jam e habitur nga ajo që bëri Jakobi, jam krenare për të.”
Ajo tha se djali i saj po merrte shumë lëvdata por “ai thjesht mendon se ishte gjë e natyrshme për të bërë”.
“Dikush e pyeti nëse ai mendonte se ishte një hero dhe ai vetëm tha ‘Nuk e di'”.
“Unë jam i befasuar që Jakobi kujtoi atë që ai e kishte parë në film, dhe ai e kishte parë atë një javë më parë”– tha ajo./tesheshi.com/
