Një gropë 1.2 metra e thellë u hap nga një person i panjohur në varrin e Wolfgang Schäuble, por nuk arriti në arkivolin e politikanit gjerman të vdekur së fundmi, tha policia e Offenburg të hënën.
Sipas informacioneve përkatëse, agjencitë e zbatimit të ligjit morën një telefonatë nga zyrtarë lokalë të bashkisë kur zbuluan gërmimin e dheut në varrezat Waldbach të hënën në mëngjes.
“Siç doli në bazë të rezultateve të punës mjeko-ligjore në vendngjarje, një person i panjohur duhet të ketë hapur një gropë në formë hinke rreth 1.2 metra të thellë. Por, sipas dëshmive të disponueshme, personi nuk ka arritur te arkivoli i të ndjerit”, thuhet në njoftimin e policisë.
Policia dhe prokuroria e Offenburgut po hetojnë ngjarjen.
Schäuble vdiq në fund të dhjetorit të kaluar në moshën 81-vjeçare. U raportua se ai vuante nga kanceri, për të cilin e dinin vetëm njerëzit më të afërt. /tesheshi.com/
