Ka lindur më parë veza apo pula? Kjo është një nga enigmat dhe dilemat më të vjetra që kanë ekzistuar ndonjëherë.
Është një nga ato pyetje që mund ta kemi bërë mijëra herë, që mund ta kemi diskutuar në shkollë, në ambiente të ndryshme dhe që në fund nuk kemi arritur t’i japim një përgjigje. Sot, me sa duket, përgjigja është gjetur në mënyrë shkencore.
James McInerney, profesor i biologjisë evolutive në Universitetin e Mançesterit në Mbretërinë e Bashkuar, ka publikuar një skemë në të cilën shpjegon të vërtetën sipas tij.
“Ok, tani mund t’i kthehemi jetës tonë normale”, – shkruan në mënyrë ironike në Facebook, ku edhe ka publikuar fotografinë në të cilën jepet zgjidhja. Siç shikohet, ka lindur më parë veza, e cila ka ekzistuar shumë kohë para zogjve, gjarpërinjve, zvarranikëve apo breshkave. /tesheshi.com/
