Një precedent është shënuar në jetën politike dhe konstitucionale të Kosovës, pasi kryeministri në pritje Albin Kurti, nuk i është përgjigjur ftesës së Presdentit Thaçi për të marrë mandatin e të parit të qeverisë.
Një ditë pas konstituimit të Kuvendit, kreu i shtetit ka ftuar kreun e Vetëvendosjes që si fitues i zgjedhjeve të 6 tetorit, edhe pse pa ende një marrëveshje me LDK për ndarjen e posteve në pushtetin e ri, të mandatohej si kryeministër, por nga zyrat e VV-së e jo nga vetë Kurti, është se “Kryetari Kurti e ka sot të pamundur ta takoj Presidentin, meqenëse ndodhet jashtë Prishtinës. Ai do ta njoftojë së shpejti Presidentin për ditët e orët e mundshme të takimit”.
Kjo ka bërë që Thaçi t’i dërgojë një tjetër ftesë, pa u bindur në arsyetimin e VV-së, duke thënë se e pret deri në orën 20.00.
“I nderuar z. Kurti,
Në rrjedhë të ftesës së parë (Ref.1763-27.12.2019), ju ftoj edhe një herë që të merrni pjesë në takimin konsultativ për caktimin e mandatarit për formimin e Qeverisë.
Siç e kam cekur edhe në ftesën e parë, në pajtim me Nenin 84 (14) dhe Nenin 95.1. të Kushtetutës së Republikës së Kosovës, do të ndërmarrë hapat e përcaktuar në Kushtetutë për caktimin e mandatarit për formimin e Qeverisë së Republikës së Kosovës.
Pasi që zyrtarisht nuk kam pranuar asnjë arsyetim për mungesën tuaj në takimin e orës 13:30, ju ftoj sërish për takim sonte në orën 20:00, dt. 27 dhjetor 2019, në Kabinetin e Presidentit të Republikës së Kosovës”, thuhet në ftesën nr.2 të Thaçit. /tesheshi.com/
