Mendur Thaçi, lideri i PDSH-së, një prej figurave kryesore të politikës shqiptare në Maqedoni, është dënuar me 2 vjet e tre muaj burg nga Gjykata Penale në Shkup.
Ishte ky një vendim që kishte të bënte me rastin “Titanik 2”, që lidhet me aferë abuzimi zgjedhor.
Menduh Thaçi akuzohet se është dakorduar të miratohen ankesat për rivotimin në tre vendvotime në Strumicë në zgjedhjet lokale të vitit 2013, të përfolura si të manipuluara. Një dënim të ngjashëm morri dhe ish-kreu i Shërbimeve Sekrete Sasho Mijallkov, ish-krahu i djathtë i Gruevskit.
Tashmë pritet nëse këto dy emra nuk do bëjnë atë që bëri Gruevski, e do shkojnë vetë pas hekurave.
Ky është dhe rasti më flagrant në Maqedoni, ku emra të bujshëm të shtetit e politikës përfundojnë në burg.
Por dënimi më i madh u dha për Bedredin Ibraimin me 4,5 vjet burg, i cili ishte anëtar i KSHZ-së nga rradhat e PDSH-së në kohën e zgjedhjeve lokale të vitit 2013.
Me 3 vjet burg janë dënuar edhe ish-anëtarët e KSHZ-së, të VMRO-së asaj kohe, Vllatko Sajkovski, Sasho Srcev dhe Aneta Stefanovska.
Pas këtyre dënimeve, ishte ajo, prokurorja e ‘pamëshirshme” Fatime Fetai, e cila i ka kërkuar trupit gjykues që Sasho Mijallkovi të shkojë menjëherë në paraburgim, për shkak të dyshimeve për arratisje, ndërsa për të dënuarit e tjerë ka kërkuar masa shtesë sigurie. Menduh Thaçi nuk ishte prezent në dhënien e vendimit. /tesheshi.com/
