Ambasadorja amerikane Yuri Kim, e cila ka një protaganizëm të ethshëm në zhvillimet shqiptare, ka kujtuar vizitën e James Baker-it 30 vjet më parë në Tiranë.
Ishte ndër ato vizita ku sheshi “Skënderbej” do mbushej si kurrë ndonjëherë, pasi qe dita kur SHBA vendosën rolin e tyre në ndryshimin e sistemit politik në Shqipëri.
“Pikërisht 30 vjet më parë, Sekretari i Shtetit Baker qëndroi me popullin shqiptar në Sheshin Skënderbej dhe tha: ‘Ju jeni me ne dhe ne jemi me ju.’
Shumë gjëra kanë ndryshuar që nga ajo kohë dhe ne jemi përsëri në një pikë kthese, por një gjë mbetet e njëjtë: ‘Ju jeni me ne dhe ne jemi me ju’, shkruan Kim.
Kujtojmë se kjo vizitë u krye ndërsa ende pushtetin e kishte PPSH. Madje në tribunë, pas kryediplomatit amerikan, qe Llambi Gegprifti, Sekretari i Parë i Tiranës, një ndër emrat e njohur të regjimit të kohës (në foto kryesore krah Elez Biberajt). Ishte gjithashtu Muhamed Kapllani, ministër i Jashtëm.
Ndërkohë, Baker do takohej dhe me Ramiz Alinë.
Po ashtu, mbi Pallatin e Kulturës, qe ende një parulle gjigante me peçikllas ku i thurrej lavde komunzimit. /tesheshi.com/
