Quhet Ambruzo Ohedivo, nigerian, futbollist i cili ka luajtur me disa ekipe dhe tashmë është pa strehë dhe i papunë.
28-vjeçari prej nga 10 vite është bërë pjesë e futbollit në disa ekipe të vendit, e fati e desh që si banor të përfundojë në Mamurras.
Ai ka luajtur dhe me ekipin vendas, për 3 sezone rresht, por tashmë nuk luan për askënd. Ambruzo i njohur, tashmë është thjesht si çdo shqiptar i zakonshëm, që kërkon të gjejë punë e të jetojë normalisht.
E lidhur jetën dhe me një vajzë mamurrzake dhe ka një fëmijë tre vjeç, Xheniferin, por kushtet e tij janë vërtetë të mjerueshme.
Jeton në një dhomë me dërrasa, pa kushte optimale dhe gati pa të ardhurat e mjaftueshme për të siguruar kushtet e fëmijës dhe tërë familjes.
Ndonjë banor i Mamurrasit i siguron nganjëherë punë në arra bujqësore, por kjo është e pamjaftueshme për nigerianin Ambruzo i cili e sheh të pamundur përballjen e jetës së tij.
Ky futbollist, tashmë është i harruar si pjesë e futbollit shqiptar vitet e fundit, ka nevojë për mbështetje.
Sa i takon bashkëshortes dhe familjes së ndërtuar më të, nigeriani është mjaft i kënaqur, edhe pse mes vështirësive të shumta ekonomike. Mirë ndihet dhe nga trajtimi që i bën banorët e Mamurrasit, që e konsiderojnë si evlat të tyre, në kuptimin shoqëror të fjalës.
Por më mirë do ndihej që për të kujtohej dhe ndonjë instancë shtetërore, makar dhe futbollistike, që t`i sigurojë punë, pasi ai tashmë ëshë banor i këtij vendi, që e meriton një lloj mbështetjeje, edhe në emër të traditës fisnike shqiptare të përkujdesit ndaj mikut.
Përgatiti Ahmet Zani – tesheshi.com
