Angazhimi i forcave policore në Shkodër me ndeshjet kombëtareve (të enjten Kosova e të dielën Shqipëria), ka bërë që të anullohen dy ndeshje volejbolli në këtë qytet të planifikuara për në fundjavë.
Siç njofton supersport, policia lokale nuk i merr dot përsipër pasi është e përqëndruar e gjitha tek “Loro Boriçi”.
Bëhet fjalë ndeshjet e volejbollit Vllaznia-Lushnja për femra dhe Vllaznia-Studenti për meshkuj.
Siç sqarohet në lajm, klubi shkodran i ka kërkuar federatës përkatëse që ta sigurojë rendin në pallatin e sportit “Qazim Dervishi” me policinë bashkiake, por ajo ka vendosur t’i shtyjë ndeshjet për javën tjetër. /tesheshi.com/
