Nata e kaluar më shira e rrebeshe ka shkaktuar një bilanc afër tragjikes në Vlorë, me përmbytje të shumta, rrëshqitje dheu, bllokim rrugësh, dhe ç`është më e rëndë një viktimë.
Luan Qarri, 46-vjeç, roja e një parkingu, është gjendur i vdekur si pasojë e përmbytjeve teksa ka qenë duke u kthyer nga puna për në shtëpi me automjetin e tij.
Tashmë, mediat po përcjellin pamje të asaj çfarë ka ndodhur gjatë gjithë natës, ku uji vazhdon të ketë pushtetin mbi një pjesë të qytetit, sidomos në katet e para dhe garazhe.
Kujtojmë që përmbytjet më të fundit në Shqipëri, ishin ato të shkurtit të këtij viti, ku gjatë zona në Vlorë e Fier, u përmbyten keqaz për shkak të daljes së Vjosës nga shtrati.
Dëme të mëdha materiale u shkaktuan, por për fat të mirë nuk pati viktima. /tesheshi.com/
