Skuadrat e Milanos janë në duar kinezësh. Së pari do të dorëzohej Interi, për t’u pasuar tani nga Milani, i shitur gati tërësisht.
Vitet e arta të Milanit e Interit të Silvio Berlusconi-t dhe Massimo Moratti-t kanë marrë fund, me shpresën se ato do të përsëriten nën drejtimin e pronarëve të rinj aziatikë.
99.9 për qind të klubit të futbollit të Milanit iu shitën një grupi investitorësh kinezë fillimisht me një kontratë paraprake, e cila do të marrë formë të plotë në fund të vitit. 740 milionë euro është vlera e shitjes, duke përfshirë borxhet.
Drejtori i përgjithshëm i ardhshëm do të jetë Marco Fassone, që më parë ka punuar me Juventusin, Napolin e Interin.
Adriano Galliani mendohet të jetë në fund të udhëtimit të tij me Milanin, edhe pse atij mund t’i rezervohet një post honorifik.
Berlusconi e mori kontrollin e klubit në vitin 1986, duke e ngjitur atë në nivelet më të larta të futbollit europian. Titujt në futbollin europian dhe në atë europian qenë të shumtë veçanërisht në gjysmën e parë të drejtimit të Berlusconi-t, për të kulmuar me një krizë thuajse të plotë në sezonet e fundit.
Pamundësia e dukshme për ta nxjerrë Milanin nga gjendja aspak shpresëdhënëse e ka shtyrë Berlusconi-n të kërkojë zgjidhje te shitja e tij.
“Shitja e Milanit ishte një vendim i dhimbshëm, por i nevojshëm,” tha ai për mediat. /tesheshi.com/
