Nga mazhoranca socialiste u përcoll këmbëngulja për shkarkuar sa më shpejt presidentin Meta. Sipas nr.2 Taulant Balla, rasti i fundit me dekretimin e Marsida Xhaferllarit në Kushtetuese, duke refuzuar njëherësh Arta Vorpsin e zgjedhur nga parlamenti, kreu i shteti i ka shtuar dhe më aktet e tij antikushtetuese.
“Dekreti i Metës për të emëruar Marsida Xhaferllarin si anëtare të Gjykatës Kushtetuese dhe veprimet e tjera të presidentit, përbëjnë shkelje shumë të rënda të Kushtetutës dhe këto shkelej duhet të shtohen në objektin e punës dhe planin e Komisionit Hetimor që po shqyrton kërkesën e 55 deputetëve për shkarkimin e Presidentit, pasi përbëjnë jo vetëm shkelje të rënda, por edhe të përsëritura në vijimësi nga Presidenti”, tha Balla.
“Ndërkohë, Arta Vorpsi e cila ka fituar në bazë të Kushtetutës dhe ligjit mandatin e gjyqtarit kushtetues, nuk është ftuar nga Presidenti për ceremoninë e betimit dhe Presidenti publikisht ka deklaruar se nuk e njeh gjyqtaren kushtetuese në këtë funksion. Në këtë rast, Presidenti po refuzon të zbatojë një detyrim ligjor e kushtetues, që përbën një abuzim me pushtetin që i ka ngarkuar Kushtetuta”, njeriu që drejton jetën parlamentare të socialistëve.
Nga ana tjetër, ai tha se nuk ka asnjë mundësi që Meta të shpërndajë parlamentin, duke ofruar një arsyetim sa politik aq dhe konstitucional”,tha Balla, duke shtuar se presidenti, të vetmen lidhje me parlamentin ka thirrjen e seancës së parë plenare pas zgjedhjeve.
Kujtojmë se Meta u zgjodh president dy vjet më parë, i përzgjedhur për të qenë i tillë nga kryeministri Rama, e kjo pas prishjes së aleancës me LSI-në dhe futjes i vetëm në zgjedhje. Rama e quajti Metën si “më të denjin nga opozita” për t’i besuar kreun e shtetit, pa e nuhatur se një vit më pasi ai do i bëhej “kokëccarrja me e madhe” në qeverisjen e mandatit të dytë. /tesheshi.com/
