Xhudsitja kosovare, Majlinda Kelmendi, ka fituar për herë të tretë Kampionatin Evropian të xhudos, duke konfirmuar epitetin Mbretëresha e xhudos.
Ajo ka mposhtur në finale të kategorisë deri në 52 kilogramë rusen Alesya Kuznetsova, duke fituar me Ippon.
Kampionia olimpike ka fituar më parë edhe dy herë të tjera titullin e më të mirës në Evropë, në vitet 2016 e 2014, ndërsa në vitin 2013 fitoi medalje të bronztë.
Medalje ka fituar edhe xhudistja Nora Gjakova e cila ka fituar të bronztën pasi mposhti me Ippon bullgaren Ivelina në kategorinë deri 57 kilogramë.
Kurse xhudistja tjetër, Distria Krasniqi ka mbetur pa medalje pasi është eliminuar. Ajo është mposhtur me wazzari nga izraelitja Gili Cohen në luftën e parafundit për medaljen e bronztë. /tesheshi.com/
