Ata janë kushurinj dhe publicist të njohur, madje të shquar për gjuhën e tyre me etikë në komunikim dhe polemika. Por sot kanë bërë sherr verbal në distancë për Koço Kokëdhimën, më saktë njëri ka sulmuar tjetrin për Koçon. Genc Burimi, opinionisti i SHekulli-t ka sulmuar Dritan Hilën, opinionistin e “Gazeta Shqiptare”, pas një shkrimi kritik të këtij të fundit në adresë të deputetit Kokëdhima.
Burimi thotë se “Kokëdhima po irriton deri në absurditet dhe se sulmet ndaj tij janë të pabaza”.
Por i është kthyer fort Dritan Hila i cili ka zbuluar edhe lidhjen e gjakut mes tyre.
“Sot në ‘Shekulli’-n e Koços, kushëriri im Genc Burimi, që i kemi pas thirrur Genci i Miles, më ka bërë ‘telef’. Genciiii, të kuptoj o xhan që 25 vjet rrugëve të Francës të kanë lodhur. Po nuk të fut Koçoja në ambasadë o evlat. Se Koçua nuk paguan rrogat e atyre që i bëjnë punën o bir e i ka ne bordero, e jo ty që paske dalë vullnetar. Po të më pyesje përpara o djalë dhe mbase e gjenim një derman, po jo ta shkrehësh çiften për një që nuk të paguan as saçmat”, shkruan Hila./tesheshi.com/
