Presidenti i Federatës Shqiptare të Futbollit, Armando Duka, duke i cilësuar futbollistët e kombëtares si ambasadorë pa pasaporta, ka bërë me dije se ata do të pajisen të gjithë me pasaporta shqiptare nga Kryeministri Edi Rama.
“Ata janë ambasadorë pa pasaporta, por kryeministri do t’u japë nga një të tillë atyre”, tha këtë të hënë presidenti i Federatës shqiptare të Futbollit, Armand Duka.
Pasaporta diplomatike pritet t’u jepet në shenjë mirënjohjeje për fitoren ndaj Rumanisë në kampionatin europian që po zhvillohet në Francë.
Shqipëria arriti mbrëmjen e djeshme fitoren e parë në histori në një kompeticion madhor, si dhe shënoi golin e parë në një të tillë me autor Armando Sadikun, duke mposhtur 1-0 Rumaninë në ndeshjen e zhvilluar në Lion, e vlefshme për grupin A. /tesheshi.com/
