Pas disa ditëve të ngrohta është përkeqësuar moti në Kosovë, ku pas reshjeve të vazhdueshme të shiut të hënën, sot ka rënë bore e konsiderueshme në fshatin Duhël të Suharekës dhe si rrjedhojë është vështirësuar qarkullimi i automjeteve.
Në fotografitë e siguruara nga Telegrafi shihet se si janë mushur rrugët me bore dhe është vështirësuar trafiku ashtu siç ndodh zakonisht në stinën e dimrit në fund dhjetori apo fillim janari.
Ndërsa në Prishtinë dhe pjesën tjetër të vendit po vie shi vazhdimisht.
Instituti Hidrometeorologjik i Kosovës ka bërë të ditur se sot vendi ynë do të jetë nën ndikimin e masave të ajrit me presion të ulët atmosferik, ku në viset malore do të krijohen kushte për reshje bore.
Sa i përket fushave termike priten ulje të theksuara të temperaturave në të dy vlerat ekstreme, duke bërë që merkuri në termometër të bije deri në dy gradë Celsius, kurse në viset malore deri në zero gradë.
Nga dita e enjte do të ketë ngritje graduale të temperaturave maksimale dhe intervale me diell.
https://telegrafi.gjirafa.com/ ?video=bie-bore-ne-duhel- veshtiresohet-qarkullimi-i- automjeteve
