Është quajtur “Duart e tua”, projekti i Adrian Paci dhe Roland Sejko i cili do të jetë i ekspozuar nga dita e sotme e deri më 7 qershor në MAXXI të Romës dhe në MAXXI Arte. Në fund të viteve 2000, Arkivi i Shtetit Shqiptar publikoi lajmin e gjetjes në arkiva dy thasë të mbushur, në të cilët ishte e shkruar në një etiketë: “Korrespodenca e qytetarëve italianë në Shqipëri”.
Këto qindra letra të shkruara në vitet 1945-1946 nga italianët, të cilët, në fund të Luftës së Dytë Botërore ndodheshin në Shqipëri dhe i kishin shkruar drejtuar të afërmve të tyre në Itali, nuk arritën kurrë në destinacion.
Fruti i bashkëpunimit të Ardian Paci, një artist i njohur italian dhe Roland Sejko, regjisor dhe fitues i çmimit “David” të Donatello me dokumentarin “Anija”, është një refleksion mbi prezencën e italianëve në Shqipëri në fund të Luftës së Dytë botërore.
Një videoinstalacion me filma të xhiruar në pallatin e Mbretit Zog në Durrës dhe i projektuar në shumë salla e ekrane të mëdha, tregon aktorët e skenës ndërkombëtare të asaj kohe, me veshjet e epokës në të cilën jetuan. Mes projeksioneve shfaqen edhe letra nga marrësit ose dërguesit, ndoshta vetëm nga dëshmitarë që shfaqen dhe zhduken, ndërsa në sfond janë lexuar fragmente të këtyre letrave të palexuara ndonjëherë.
Në këtë mënyrë shfaqen në videoinstalacion jetët e rreth 24 mijë italianëve (ish ushtarë por edhe operatorë, mjekë, tregtarë, inxhinierë, të bashkuar dhe të mbërritur në Shqipëri), të cilët në fund të luftës ngelën të “mbërthyer” në këtë shtet, pa pasur mundësinë të kthehen për shkak të një lufte të ftohtë diplomatike mes dy vendeve, e cila nisi menjëherë pas përfundimit të luftës. /tesheshi.com/
