Një fushatë e fuqishme e ndërmarrë së fundi nga policia e ushtria bashkë për pastrimin e territorit shqiptar nga kultivimi i drogës, ka çuar në zbulimin e vendstrehimeve ku ajo kultivohej, magazinohej apo dhe përpunohej.
Kështu, pas rastit të Përmetit e Skraparit radhën e ka patur Tiranë, ku në në një tunel në ish-Uzinën e Autotraktorëve është është gjendur një sasi e madhe kanabisi e kultivuar.
“Nga kontrolli i imtësishëm i zonës ku ishte informacioni u konstatua një ambient i mbyllur në brendësi të tunelit i përshtatur për kultivimin e bimëve narkotike.
Theksojmë se këtë aktivitet të kundraligjshëm, ky shtetas dhe të tjerë të përfshirë në të, për të cilët policia po vijon hetimet, e kamuflonte si aktivitetet i prodhimit të plastikës.
Në këtë ambient janë gjetur dhe sekuestruar një sasi e konsiderueshme kubikësh dhe lëndë e dyshuar narkotike e futur në qese (ende e pa peshuar)”, informon policia.
Kjo ka bërë që në ligjërimin opozitar, akuzat ndaj qeverisë për drogën të shtohen akoma dhe më tepër, ndonëse kjo e fundit ka shpallur se do e pastrojë Shqipërinë nga çdo rrënjë kanabisi. /tesheshi.com/
