Nga opozita shqiptare janë përcjellë të tjerë tregues të mbjelljes dhe trafikimit të kanabisit në vend. Sill pas publikimit të të dhënave qeveritare, në prezencë edhe të autoriteteve italiane, kryetari i Partisë Demokratike, Lulzim Basha, ka thënë se rezulton pesëfishim i sipërfaqes së mbjellur me drogë në territorin shqiptar.
“Pas vrojtimit të 17% të territorit të Shqipërisë, rezulton pesëfishim i sipërfaqes së mbjellur me drogë. Nga 44.7 hektarë vitin e kaluar, në 213,7 hektarë këtë vit të mbjellura me drogë. Bëhet fjalë jo për të gjithë territorin, por për vetëm 17%. Pra, 83% e territorit nuk është vrojtuar ende”, tha Basha.
Më pas, au anashkaloi treguesit e Guarda Di Finanza-s dhe u përqëndrua tek raportimet mediatike të përtejdetit
“Raportimet e medias italiane tregojnë për dhjetëra ton drogë që vijnë nga Shqipëria. Nga llogaritë tona, 10 000 ton drogë është prodhimi minimal në Shqipëri gjatë vitit. Jemi kthyer në hambarin më të madh të drogës në Europë. Kjo sepse parandalimi i kultivimit të drogës, do të thotë që kjo qeveri të sulmojë interesat e veta”, shtoi kreu demokrat, që shtoi më tej se “për këtë arsye nuk kemi trafikantë të proceduar dhe të arrestuar, por vetëm fakirët që punojnë si skllevër nëpër plantacione”. /tesheshi.com/
