Disa kandidatë të rëndësishëm të mazhorancës dhe opozitës janë pritur keq nga ndërkombëtarët, të cilët në fokusin e impenjimit për dekriminalizim kanë ndezur “dritën e kuqe”.
Burime diplomatike i thanë “tesheshi.com”, se “ka një vullnet të komunitetit ndërkombëtar për të asistuar me ekspertizë implemetimin konkret të dekriminalizimit”. Siç mësohet, ambasadorët e BE dhe ai i SHBA kanë zhvilluar disa takime me krerët e mazhorancës dhe opozitës për çështjen e disa kandidatëve. Madje mësohet se nga Interpol në zyrën e ministrit të Brendshëm ka mbërritur një numër i madh dosjesh, të cilat janë “gërmuar” muajt e fundit pas shpërthimit të rastit ”Frroku-Doshi”, nga të cilat një pjesë e mirë e të dhënave kanë tangencialitet me figura të lidhur me politikën.
Siç mësohet, bëhet fjalë për disa kandidatë për kryetarë bashkish që pritet të përjashtohen si zgjidhje finale pasi nuk kanë marrë “dritën e gjelbër” nga ndërkombëtarët. Dhe për këtë nuk bëhet fjalë për diplomatë por për agjenci të specializuara ligjzbatuese, të cilat kanë gjetur të dhëna “jo të përshtatshme”.
Ndërkaq, një burim pranë mazhorancës bëri të ditur se nuk bëhet e ditur për emra që mund të kandidojnë për bashki kryesore, por për kandidatë në bashki të rëndësishme të nivelit të dytë. Ndërkaq, të mërkurën e ardhshme pritet që qeveria të krejë një “spastrim” në disa drejtori të rëndësishme të nivelit qendror, duke shkarkuar disa emra të përfolur dhe pritet të emërohen ekspertë të shkolluar dhe me një profil intelektual. Në selinë e kryeministriusë ditët e fundit janë grumbulluar një numër i madh c.v që po shqyrtohen nga nëpunësit e këtij institucioni.
Ndërkaq edhe tek opozita po bëhet një shoshitje e kandidaturave në bazë të konsultimeve me ndërkombëtarët. Siç mësohet edhe rrëzimi i kandidaturës së Dukës në Durrës ka qenë pjesë e një konotacioni që ka si bazë konsultimet.
/tesheshi.com/
