Rikthehet pas 4 vjetësh përjashtimi nga Forcat e Armatosura kolonel Dritan Demiraj, i cili për mbi tre muaj shërbeu si Ministër i Brendshëm gjatë paktit Rama – Basha me ministra teknikë në qeveri, para zgjedhjeve të 25 qershorit.
Ka qenë vetë Demiraj që ka publikuar lajmin e rikthimit si oficer aktiv në ushtri, duke falendëruar publikisht ministren e Mbrojtjes, Olta Xhaçka.
Demiraj u largua nga ushtria me urdhër të ish-ministres Mimi Kodheli në vitin 2014 me argumentin se ka lëvizur jashtë vendit pa leje. Demiraj e ndoqi çështjen në gjykatë, e cila i dha të drejtë kolonelit dhe e ktheu në detyrë.
Postimi i plotë i Demirajt:
Te nderuar miq!
Sot me rastin e rikthimit si kolonel aktiv ne FA, kam deshire te ndaj me Ju disa mesazhe.
Ju falenderoj perzemersisht, emer per emer, per vemendjen, solidaritetin dhe mbeshtetjen qe me keni dedikuar ne betejat institucionale, morale dhe gjyqsore per tu rikthyer ne sherbimin aktiv te FA te RSH.
E drejta vonoi pak, por me ne fund u vu ne vend. Ketu nuk ka vend as per triumfalizem por dhe zero arrogance nga ana ime. Do te ishte e padrejte te mos shprehja mirenjohjen time per MM zonjen Olta Xhacka, per qasjen dhe adresimin shtetar te rastit tim.
Me kete rast ju siguroj se “si ushtar i atdheut” do te vijoj te kontriboj me profesionalizem, perkushtim, perulesi dhe pergjegjshmeri ne dobi te mbrojtjes dhe prosperitetit te mbare kombit.
Artdheu, Detyra dhe Nderi do te mbeten pasaporta e vetme deri ne fund te jetes time”. /tesheshi.com/
