Kreu i komunës Blinisht në Lezhë është arrestuar ditën e djeshme pasi është kapur në flagrancë duke drejtuar automjetin në gjendje të dehur dhe ka goditur me grushte punonjësin e policisë.
Burime nga policia bëjnë me dije se në pranga ka rënë Jak Zhupa, 53-vjeç, i cili duke drejtuar mjetin veturë të markës B.M.W , ka dalë nga rruga në afërsi të fshatit Piraj, në rrugën Lezhë-Blinisht.
Nga shërbime policore është bërë testi alkoolit ku rezulton të ketë qenë në gjendje të dehur, mbi 0.5 % alkool, ndërsa ka goditur me grushte punonjësit e policisë rrugore, gjatë ushtrimit të detyrës.
Gjatë kontrollit në banesë iu gjetën dhe sekuestrua në cilësinë e provës materiale një armë gjuetie shotgan 12 mm, pa leje si dhe 3 copë thika të madhësive të ndryshme.
Materialet i kalojnë Prokurorisë së Rrethit Gjyqësor Lezhë për veprat penale “Goditje për shkak të detyrës”, “Prodhim dhe mbajtje pa leje të armëve të gjahut sportive”, “Prodhim dhe mbajtje pa leje të armëve të ftohta”, “Largim nga vendi i aksidentit” dhe “Drejtim i automjeteve në mënyrë të parregullt, në gjendje të dehur”
