Duket si metaforë por në fakt nuk është aspak e tillë. Pallati i Drejtësisë në kryeqytetin e Kosovës, Prishtinë është mbushur me ujë, i cili ka mbytur edhe sportelet ku aplikojnë qytetarët, por edhe disa zyra.
Shiu i rrëmbyeshëm ësht futur i gjithi në Pallat duke pezulluar gjithë aktivitetin e Gjykatës.
Xhamat e zyrave janë mbuluar me qese dhe janë vendosur disa kova për ta parandaluar shpërndarjen e ujit në pjesë të tjera të institucionit.
Zëdhënësja Mirlinda Gashi tha se nga kjo gjendje është rrezikuar një pjesë e materialit arkivor si dhe uji ka dëpertuar edhe në zyrën e një gjykatësi.
Pallati i Drejtësisë, ku ndodhen ambjentet e gjithë institucioneve të drejtësisë, prokurori e gjykata, është një investim i përbashkët i qeverisë së Kosovës dhe Komisionit Europian.
Kostoja e ndërtimit të tij ishte rreth 30 milionë euro dhe konsiderohet si donacioni më i madh i BE-së për institucionet e Kosovës.
Por, që nga përurimi në mars të këtij viti, kjo ndërtesë ka pasur vetëm telashe funksionimi, dhe u desh vetëm dy ditë shi i rrëmbyer që të mbytet…
/tesheshi.com/
