Reperi i njohur preshevar Arian Agushi, i njohur si Gold AG është dënuar nga gjykatat serbe për këngën e tij “Pushka e Lirisë”.
Siç bën të ditur “Presheva Jonë” ai rrezikon burg nga gjykatat serbe ose dënim me mbi 100 mijë euro.
Spotin e preshevarit “Pushka e Lirisë” mediat serbe e kanë cilësuar diçka “skandaloze” ku Agushi në videoklipin e këngës dedikuar komandantit të Ushtrisë Çlirimtare të Kosovës, Zahir Pajaziti shihet në uniformë të UÇK-së i cili “paska vrarë serbe”.
“Hetimi i videos anti serbe” (“Istraga zbog antisrpskog spota”) është titulli i mediave serbe që bën fjalë për reperin nga Presheva Arian Agushi (28 vjeç), i njohur si Gold AG i cili me spotin e tij të fundit të këngës “Pushka e Lirisë”, ka pushtuar faqet e gazetave serbe.
Gjykata e Larte serbe për krime në teknologji dhe kibernetike ka nisur hetime kundër reperit të njohur. Prokurori serb Branko Stamenkoviç deklaroi se “Prokuroria ka reaguar menjëherë pasi ky spot është paraqitur në rrjetet sociale. Për këtë kemi marrë të gjitha masat e mundshme me fakte kundër kësaj video dhe autorit”.
Sipas tij “për shkak të hetimeve, nuk mund të them se çfarë masash operative janë ndërrmarë.
/tesheshi.com/
