Ndërsa po mbarojnë negociatat mes partisë së Gjukanoviçit me koalicionin shqiptar që ka një deputet, prokuroria speciale ka thirrur oponentët e partisë “Forca”, duke paralajmëruar hetime dhe arrestime të ish-krerëve të komunës së Ulqinit.
Negociatat
Presidenti i Malit të Zi, Filip Vujanoviç ka ngarkuar zyrtarisht Dushko Markoviçin nga radhët të DPS-së për formimin e qeverisë së re të Malit të Zi.
DPS si parti e cila në zgjedhjet e mbajtura në Mal të Zi ka fituar numrin më të madh të deputeteve, 36 të tillë, nuk mundet që e vetëm të krijojë qeverinë. Për formimin e qeverisë së re rol vendimtar do të kenë partita e pakicave, Partia Boshnjake, koalicioni “Shqiptarët të vendosur” dhe kroatët.
E përditshmja Vijesti jep disa detaje për takimet që janë duke vazhduar si dhe kërkeat e partive të pakicave.
Kështu, në kabinetin e ri të Dushko Markoviçit boshnjakët presin që të keni dyfish më shumë poste se sa kanë pasur deri tani. Koalicioni i shqiptarëve, të cilët në zgjedhje kanë fituar 1 deputet, kërkon pozitën e zv/kryeministrit i cili do të përcillte vendimet politike, si dhe ministrinë e pakicave ose atë të diasporës.
Nëse nuk do të kenë këtë post, atëherë do të ishin të kënaqur me minstrinë e Rregullimit Hapësinor.
Nga ana tjetër, partitë opozitare kërkojnë nga Vujanoviç që të mos u jepet e drejta e formimit që qeverisë atyre që kanë më pak mandate se opozita e bashkuar.
Hetimet
Disa ish-zyrtarë të Komunës së Ulqinit, por edhe nga ato aktualq, janë thirur në Prokurorinë Speciale shtetërore në lidhje me disa çështje që i takojnë vitit 2011.
Sipas mediave malazeze, arsyet e kësaj thirrjeje kanë të bëjnë me parregullsitë në pagesën e klientëve për objektet e ndërtuara në Ulqin, por edhe me punësimet e paligjshme gjatë periudhës që ndodhej në pushtet struktura e atëhershme.
Siç bëjnë të ditur mediat e Ulqinit, në Prokurori janë thirrur ish-kryetarët e Komunës, Gëzim Hajdinaga dhe Fatmir Gjeka; sekretari aktual dhe i atëhershëm për Financa, Sead Osmanoviç; n/kryetari i tanishëm, Vaso Radoviç, si dhe mjaft persona të tjerë që ishin në pushtet në atë periudhë. /tesheshi.com/
