Pasagjerët britanikë të TUI në fluturimin nga Paphos në Manchester të hënën e 15 gushtit, aty rreth orës 17.00 kaluan një dramë të vërtetë.
Së pari, avioni u ngrit me 6 orë vonesë për shkak të orarit të punës së ekuipazhit nga Qipro. Fluturimi i lartpërmendur drejtohej nga një aeroplan SmartLynx tip A321 dhe për shkak të një pasagjeri problematik, ekuipazhi vendosi të bënte një ulje emergjente në aeroportin e Zagrebit, njofton aviacioni kroat.
Pasagjerët i thanë Manchester Evening Neë se në mes të fluturimit, pasagjeri konsumoi një pluhur të bardhë, sipas shumëkujt, ishte kokainë dhe u lut midis sediljeve në dyshemenë e kabinës. Para se të nisej për në daljen e emergjencës, ai u bërtiti pasagjerëve “shihemi në parajsë”, dhe më pas u përpoq të hapte derën teksa avioni ishte në lartësinë maksimale të fluturimit.
Kanë qenë disa pasagjerë që e kanë rrëzuar për tokë personin në fjalë duke e penguar nga plani i tij i çmendur.
Edhe pse pasagjerët shpëtuan në radhë të parë kokën e tyre, pasi akti vetëvrasës i personit mund të kish çuar në një dramë të vërtetë, ata nisën të ankohen për trajtimin në tokë, sipas tyre jo dinjitoz.
Avioni u ul në aeroportin e Zagrebit në orën 1 të mëngjesit dhe pasagjerët u ankuan për organizimin e pritjes së tyre në Zagreb. Ata pretendojnë se askush nuk i ka pritur dhe se natën e kanë kaluar në dyshemenë e terminalit të pasagjerëve, pa ushqim dhe pije.
Vetëm herët, thonë ata, janë transportuar në hotelet e afërta dhe më pas janë njoftuar se fluturimi i tyre për në Manchester nga Zagrebi do të nisej të martën, më 16 gusht, në mbrëmje. Nuk kishte asnjë mundësi tjetër duke qenë se orari i punës i ekuipazhit kishte skaduar.
TUI u kërkoi falje të gjithë pasagjerëve. Pasagjeri i lartpërmendur u shoqërua nga avioni nën shoqërimin e policisë dhe nuk vazhdoi udhëtimin e tij për në Manchester të nesërmen. Të martën, në orën 20:30, avioni u ngrit nga Zagrebi për në Manchester, ku pasagjerët mbërritën me rreth 26 orë vonesë. /tesheshi.com/
