Tiffiney Blakey është një studente e re britanike, e cila mëson me të vërtetë shumë, por ka një problem mjaft të madh: ajo nuk mund të hyjë në shkollë pasi është alergjike. Sapo ka vënë këmbët në shkollën John Whitgift Academy të Grimsby, 13 vjeçarja pësoi një sërë ndjesish tmerruese, aq sa rrezikoi të ndërronte jetë. Mjekët, duke pritur të kuptonin se çfarë kishte shkaktuar këtë reagim të sajin në trup, i këshilluan të rrinte në shtëpi dhe të qetësohej.
Gjithçka nisi 28 shtatorin e shkuar, siç tregon Mirror, kur Tifffiney hyri në shkollë për të marrë leksionin e parë dhe nisi të ndihej keq. Menjëherë ajo u dërgua në spital, ku mjekët e kuruan menjëherë. Vajza është alergjike nga kikirikët dhe që kur ishte e vogël, përherë mbante me vete medikamentin kundër alergjisë, mirëpo, duke qenë se krizat nuk i ishin përsëritur prej kohësh, asaj nuk i shkoi kurrë në mendje se një situatë kaq e tmerrshme saqë t’i rrezikonte jetën, t’i ndodhte përsëri.
Pas kurave, Tiffiney u thye në shkollë por reaksioni iu përsërit, pavarësisht terapive të shumta dhe medikamenteve. Kështu mjekët kanë vendosur ta mbajnë në ambientet e shtëpisë dhe ta nënshtrojnë në teste dhe analiza të njëpasnjëshme.
Nëna e vajzës është shumë e shqetësuar: “Njerëzit mendojnë se kjo është një shaka. Të gjithë studentët mendojnë se është një gjë e pabesueshme dhe një trillim të jesh alergjik ndaj shkollës, por për Tiffiney kjo është një çështje jete o vdekje. Mjekët kanë thënë se rrezikoi të vdiste. Duhet të ketë patjetër një zgjidhje për këtë situatë”./tesheshi.com/
