Të gjithëve na ka ndodhur të njohim të paktën një person i cili sillet në mënyrë negative apo mendon negativisht. Këto sjellje, veprime, me të vërtetë që të ulin humorin dhe energjia negative e këtyre personave duket sikur është ngjitëse dhe arrin të dominojë ndaj energjive pozitive. Mirëpo, si mund të mbrojmë veten nga njerëz me energji të tilla?
Reagoni siç duhet – Mos iu përgjigjni negativitetit me më shumë negativitet. Thish mos reagoni fare ose bëni shumë kujdes ndaj atyre që thoni.
Jepini drejtim bisedës – Kur të vini re se gjërat janë duke marrë një rrugë të padëshiruar, merrni situatën në dorë dhe jepini drejtim bisedës, duke ndryshuar temën nga e rëndë dhe negative, në një temë më të lehtë. Mundohuni të gjeni diçka pozitive për të cilën të flisni.
Gjeni zgjidhje – Nëse keni një mik apo të afërm me energji që ju duken negative, bisedoni me të dhe mundohuni të gjeni bashkë një zgjidhje. Nëse ata refuzojnë, atëherë mundohuni vetë të gjeni një mënyrë për të ‘shpëtuar’.
Shkëputuni – Mundohuni të shkëputeni emocionalisht prej tyre. Bëni sikur i dëgjoni dhe largoni mendjen në vende të tjera.
Mos u mundoni t’i ndryshoni këta njerëz – Disa njerëz thjeshtë nuk mund të ndryshojnë, jo se nuk është e mundur, por pasi ata nuk duan, ndaj mos u mundoni t’i sforconi ata për të bërë diçka që është jashtë dëshirës së tyre.
Vendosni limite – Kur çdo gjë dështon,vendosni barriera me personat që kanë energji negative. Limitoni kohën që kaloni me ta dhe mundohuni të mos i ftoni në ambientet ku ju jetoni në përditshmëri./tesheshi.com/
