Dy javë pas nënshkrimit të protokollit, i cili finalizoi marëveshjen politike në Maqedoni, sot për hërë të parë grupet e punës të përbëra nga përfaqësuesit politik do të ulen bashkë për ta zbatuar marëveshjen në vepër, për çka do të kenë ndihmën e ndërmejëtsit belg, Peter van Hout, me të cilin palët do të përpiqen të gjejnë zgjidhje për pikën e parë problematike, legjislacionin zgjedhor.
Në tryezë do të shtrohet problemi me kodin zgjedhor, lista e votuesve, përbërja dhe kompetencat e Komisionit Shtetëror të Zgjedhjeve, ndërsa për herë të parë do të diskutohet edhe votimi në diasporë për të cilën deri më sot dihen vetëm qëndrimet e LSDM-së dhe BDI-së.
Opozita maqedonase është deklaruar se ekziston nevoja për përputhshmëri të vlerës së votes, në mënyrë që mandati i një deputeti në diasporë të jetë i vlefshëm vetëm nëse kandidati mer së paku 80% të votave të nevojshme për zgjedhjen e deputetit në vend, ndërkohë që partia shqiptare në pushtet insiston të anulohet procesi i zgjedhjes së deputetit të diasporës, për çka në dy proceset e fundit zgjedhore vetëm VMRO-DPMNE, ja ka arritur të fitojë deputetë.
Sa i përket listës së votuesve ekzistojnë përpjekje që kjo të mos pastrohet, por të përpilohet një tjetër krejtësisht e re, në të cilën regjistrimi i qytetarëve do të bëhet me aplikim të atyre të cilët dëshirojnë të votojnë.
Në pjesën e reformave në KSHZ do të meren parasysh rekomandimet e zyrtarit të lartë të BE-së, Priebe, i cili kërkoi zgjërim të komisionit me anëtarë të rinj të pavarur, të cilët do të jenë shumicë.
Takimi i sotëm vjen pas përpjekjes së dështuar të javës së kaluar pasi OSBE i thirri përfaqësuesit politik në takim ku i adresoi kërkesat për reformat zgjedhore.
Përgatiti: Bekim Laçi, tesheshi.com
