Deputetja e Parlamentit Europian, Doris Pack është shprehur sot se Kosova është Shqipëri dhe kurrë nuk do të jetë pjesë e Serbisë.
Sipas Pack, të gjithë e dinë se deri në momentin kur Serbia do të hyjë në Bashkimin Evropian, çështja e marrëdhënieve me fqinjët duhet të zgjidhet. Ajo ka shprehur për radio Europa e Lirë bindjen se në të tilla kushte do të nevojitet ndryshimi i sërishëm i Kushtetutës së Serbisë, në qoftë se kjo nuk ndodh tani.
“Në fakt, ky është moment i mirë për të eliminuar preambulën, por kam përshtypjen se kjo do të ishte e parakohshme, për shkak se politikanët nuk i kanë përgatitur qytetarët. Është përsëritur shumë herë dhe tone të tilla po dëgjohen edhe nga burrështetasit e huaj, se çështja me preambulën, duhet të pastrohet, gjë që nënkupton edhe një ndryshim të Kushtetutës”, ka thënë Pack.
Sipas eurodeputetes, ende nuk ka ardhur momenti i hyrjes së Serbisë në Bashkimin Evropian. S ai takon çështjes së heqjes së preambulës ajo u shpreh se do të aktualizohet përsëri në fund të procesit të negociatave me Bashkimin Evropian dhe autoritetet serbe do të duhet të ballafaqohen me këtë çështje.
“Bashkimi Evropian nuk mund të pranojë një shtet, kufijtë e të cilit nuk janë të përcaktuar në mënyrë precize. Kjo thjeshtë nuk është e mundur”, përfundoi Pack. /tesheshi.com/
