Ambasadori Kosnett ja kërkonte prej muajsh këmbëngulësisht, herë tërthorazi e herë drejtpërdrejt, që Sylejman Selimi, një ish-figurë e lartë e UÇK-së i dënuar për krime luftë e i liruar kohë më parë, të ishte në paradhomën e shefit të qeverisë së Kosovës. Ndërsa Haradinaj nuk tundej. Por së fundi ka reaguar duke lajmëruar largimin e tij.
“Kam liruar nga detyra e këshilltarit politik Sylejman Selimin, me kërkesën e tij. Zotin Selimi e falënderova për kontributin e deritashëm në Zyrën time politike”, njoftoi Haradinaj në FB, siç shihet, duke i rënë shkurt dhe pa shumë komente.
Pyetja shtrohet nëse është vërtet vetëlargim i pastër i Selimit, apo një akt i vetë Haradinajt, për të treguar luajalitet me Uashingtonin së paku te çështja “Selimi”?
Sepse, siç po provohet tashmë prej muajsh, kryeministri kosovar nuk po tërhiqet nga asnjë formë presioni ndërkombëtar për heqjen e taksës ndaj Serbisë. /tesheshi.com/
