Nga Blendi Gashi
Ramush Haradinaj është pajtuar me qëndrimin e LDK-së për ta vendosur raportin e Shpjetim Bulliqit vetëm si raport informues në Marrëveshjen e Demarkacionit, e cila pritet të votohet të votohet të mërkurën.
Por ky lëshim pe nga Haradinaj nuk po shihet me sy të mirë nga disa deputet të partisë së tij të cilët kanë kërcënuar se nuk do ta japin votën e tyre pro marrëveshjes kur të mbahet seanca të mërkurën.
I pari që ka kërcënuar shefin e tij është deputeti Rasim Selmanaj.
“Kryeministri Haradinaj ka formuar komision duke gjetur të gjetura të ndryshme. Prandaj çdo përpjekje për me eliminua këtë raport është e papranueshme sepse nuk kemi arsye me votu një raport tjetër. Është e palogjikshme për LDK për kërkesën e tyre”, ka thënë Selmanaj të enjten.
Një kërcënim i tillë ka ardhur edhe nga deputetja Teuta Haxhiu.
“Flas personalisht se nëse raporti i Komisionit Shtetëror hiqet nga votimi, unë nuk do ta jap votën”, ka thënë Haxhiu për mediat kosovare.
Portali tesheshi.com ka kontaktuar edhe deputetët tjerë të AAK-së, Ahmet Isufi e Time Kadrijaj për të marrë një përgjigje prej tyre nëse do votojnë Demarakcionin nëse hiqet raporti i Bulliqit por ata nuk janë përgjigjur në telefon.
Mbetet të shihet nëse deputetët Haxhiu e Selmanaj do mbajnë fjalën e tyre për të mos dhënë votën pro, apo ata në fund do i dorëzohen presionit të kreut të tyre të parties/
Ramushi t’i kërkoi falje edhe Murat Mehës…
Lëshimi pe nga Ramushi nuk i ka pëlqyer as deputetit të Lëvizjes Vetëvendosje, Xhelal Sfecla i cili ka ironizuar me Ramushin duke thënë se duhet t’i kërkojë falje edhe ish-kryetarit të Komisionit Shtetërorë për menaxhimin e kufirit, Murat Meha.
“Pasi ju nënshtrua PDK-së, e sot ju gjunjëzua pa kushte edhe LDK-së, Ramushi ka mbet veç edhe Murat Mehës t’i kërkojë falje!”, ka shkruar Sveçla në Facebook.
Kujtojmë se LDK pas arritjes së marrëveshjes ka thënë se është e gatshme të mbahet seanca edhe para të mërkurës për ta votuar Demarakcionin.
Arritjen e marrëveshjes e ka mirëpritur edhe presidenti Thaci i cili përmes një postimi në Facebook ka shkruar se “ky unitet politik të jetë kornizë afatgjate për zgjidhjen e temave nacionale”.
Kurse shefja e BE-së, Natalia Apostlova pasi ka shprehur përgëzimet për marrëveshjen ka ftuar edhe dy partitë parlamentare, Vetëvendosjen dhe Listës Serbe, që t’i bashkohen këtij hapi “kyç për demarkacionin”. /tesheshi.com/
