Deputetja nga radhët e AAK-së, Donika Kada-Bujupi në fjalën e saj ka thënë se PDK dhe LDK sot votuan kundër rezolutës e cila dënon gjenocidin e Serbisë ndaj popullit të Kosovës, të kryer në periudhën 1998-99, ku u vranë 12 mijë njerëz, 1392 nga ta fëmijë, u dhunuan 20 mijë gra, u dogjwn 120 mijë shtëpi dhe u dëbuan me dhunë nga shtëpitë e tyre 1 milion njerëz.
“Njerëzit e vrarë e të masakruar, ishin civilw të cilët u përballën më luftën kundër vdekjes në shtëpitë e tyre ose maleve duke ikur”, ka deklaruar ajo.
Kada-Bujupi po ashtu ka theksuar se PDK e LDK me mosvotimin e rezolutës i mohuan krimet e Serbisë, të kryera në Kosovë dhe mohimi i atyre krimeve dhe i atij gjenocidi përben fyerje përfundimtare ndaj viktimave dhe familjeve të tyre.
“Këto krime janë fakte ligjore dhe jo vlerësime politike. Ndërsa, veprimi i sotëm i këtij koalicioni është tepër zhgënjyes ndaj viktimave dhe, në përgjithësi, ndaj popullit të Kosovës”, ka thënë Kada-Bujupi në fjalën e saj. /tesheshi.com/
