Donald Lu duket se ka gjetur çelësin për të zhbllokuar situatën e krijuar nga furtuna e vettingut që po eleminon të gjithë kandidatët që kanë garuar për në dy organet e lartë të Gjyqësorit, KLGj e KLP.
Kandidaturat që janë përgatitur një vit më parë nga Kuvendi që drejtohej nga Ilir Meta, po rrëzohen dita-ditës nga vettingu, ndaj dhe ambasada amerikane, si një vit më parë ka marrë situatën në dorë.
Selia diplomatike e SHBA-së ka bërë thirrje për aplikimin e kandidatëve të pastër për Këshillin e Lartë Gjyqësor, duke i mikluar dhe me fjalën “patriot”.
Ambasadori Donald Lu, gjatë një mesazhi pak ditë më pare, tha se “duhet të paktën një gjyqtar i ndershëm nga gjykatat e Apelit”.
Edhe një vit më pare, për kandidatët e komisioneve të vettingut pati hezitim në aplikim, por kur ndërhyri Ambasada Amerikane rinisi procesi dhe këto organe u mbushën kryesisht me njërëz jashtë gjyqësorit.
Ndërsa në rastin e KLGJ-së dhe KLP-së situata është më komplekse, pasi duhet të paktën një eksperiencë 15-vjeçare në sistem.
Dhe duket po gjenden homologët e Arta Markut nëpër gjykatat e Apelit, dhe jo “ujqërit e vjetër” të sistemit,
Ngritja e KLGJ-së dhe KLP-së hap rrugën më pas për të startuar SPAK apo Prokuroria Speciale, e cila do të marrë kompetencat e Prokurorisë së Krimeve të Rënda.
Ambasada amerikane dje u ka bërë thirrje sot të gjithë gjytarëve që kalojnë vetingun të aplikojnë për vendet vakante.
“Shqipëria është në prag të krijimit të një sistemi drejtësie që vërtet i shërben interesave të qytetarëve të saj. Iu bëjmë thirrje gjykatësve të ndershëm, patriotë dhe me integritet nga gjykatat e apelit që të bëjnë përpara dhe t’i shërbejnë vendit të tyre në Këshillin e Lartë Gjyqësor. Bëhuni pjesë e të ardhmes së Shqipërisë! Aplikoni”, thuhet në thirrjen e përfaqsisë së Uashingtonit në Tiranë.
Prokuroria e Posaçme Antikorrupsion ishte planifikuar të ngihej që në fund të vitit 2016, por politika ka bërë tentativa të shumta që ky organ të mos zyrtarizohet. Fillimisht ishte Partia Demokratike e cila ankimoi në Kushtetuese ligjin e vettingut. Kushtetuesja e pezulloi për 3 muaj dhe procesi u shty.
Kur pritej që të zgjidheshin anëtarët e Komisionit të Pavarur të Kualifikimit dhe Kolegjit të Apelimit, PD hyri në çadër dhe vonoi me 3 muaj votimin e tyre. Pasi u zhbllokua vettingu, u futën në ngërç KLGJ e KLP. Gara për përfaqësues nga shoqëria civile e avokatia u hap 4-5 herë. Kushtetuta e ka të përcaktuar se SPAK ngrihet dy muaj pas ngritjes së KLP. Pra, pa u ngritur KLP nuk ka organe antikorrupsion.
Por ngrija e këtij organi po has vështirësi. Përveç kësaj, problemi është se KLP do emërojë prokurorët e SPAK. Kushtetuesja ka rrëzuar nenin bazë të mbledhjes së KLP dhe, nëse ai nuk ndryshon nuk bëhen dot emërime. Pra tashmë gjithçka është në dorë të politikës. /tesheshi.com/
