Ambasadori i SHBA-së, Donald Lu gjatë një konference direkte me qytetarët në rrjetet sociale ka konfirmuar shkrimin e botuar pak më parë në tesheshi.com.
I pyetur për kanabizimin, ambasadori Lu tha se qeveria duhet të bëjë më shumë.
“Qeveria shqiptare duhet të bëjë më shumë. DEA po bashkëpunon me qeverinë për të kapur ‘peshqit e mëdhenj’. Politikanët dhe gjyqtarët e korruptuar do të kapen dhe largohen së shpejti”, deklaroi Lu.
Lidhur me gjyqtarët, Lu e pranoi haptazi se ajo kategori nuk e pëlqen atë, pas komentit të bërë për orët e shtrenjta.
“Komenti im për orët e gjyqtarëve ka bërë që ata ‘mos më pëlqejnë. Por reforma në drejtësi ka rëndësi për këtë vend, për të larguar pikërisht ata, gjyqtarët e korruptuar”.
Ambasadori amerikan ka lëshuar edhe një mesazh për Gjykatën Kushtetuese kur tha se Reforma në Drejtësi nuk ka kthim pas.
Kthimi i Vettingut në Venecia, për ambasadorin amerikan është konsideruar si një vonesë e vogël, por jo kthim pas.
“ Reforma do vazhdojë të ecë përpara pavarësisht një vonese të vogël. Reforma është e pakthyeshme, do jetë pjesë e Kushtetutës, jo kthim pas. Dështimi nuk është një opsion për këtë reformë”, tha ai.
/tesheshi.com/
