Eklipsi do të ndodhë kur orët e diellit do fillojnë të tejkalojnë ato të natës, më 20 mars. Ky eklips do të jetë i plotë në Antarktid dhe i pjesshëm në shumicën e Evropës, duke përfshirë edhe Italinë. Kush dëshiron ta shijojë apo t`ia bëjë ‘’share’’ të tjerëve, do të ketë rreth dy orë në dispozicion për ta gjetur në qiell e më pas për ta shpërndarë si lajm.
Masat e nevojshme që rekomandohen nga ekspertët janë:‘’Mos e shikoni diellin me sy të lirë, apo edhe më keq me një teleskop të bërë vetë, por gjithmonë nëpërmjet syzeve të çertifikuara që blihen në dyqane optike, ose përmes maskave të saldimit.’’
Eklipsi i pranverës, përveç se përkojnë me ekuinoksin, do të ndodhë edhe me një “super-hënë”, që do të shihet në mënyrë të plotë në Atlantikun e Veriut në mes të Ishujve Britanikë dhe Islandës, dhe, në një masë më të vogël gradualisht deri në veri të kontinentit afrikan. Në Thorsavnë, në arkipelagun danez të ishujve Faroe, do ketë errësirë totale për dy minuta e dy sekonda. Eklipsi diellor i fundit i kësaj rëndësie u zhvillua më 11 gusht 1999 dhe tjetri pritet të ndodhë në 2026. /tesheshi.com/
