Më 6 gusht të vitit 1945, një bombardues amerikan B-29, i quajtur Enola Gay, ka lëshuar bombën atomike “Little Boy” në qytetin Hiroshima të Japonisë.
Bomba ishte tre metra e gjatë dhe peshonte katër tonë. Vetëm tre ditë më vonë, forcat aleate kryen edhe një sulm tjetër të ngjashëm me bombën “Fat Man” në Nagasaki.
Në momentin e shpërthimit në Hiroshima u vranë 70.000 njerëz, ndërsa në katër muajt e ardhshëm, si pasojë e sulmeve atomike vdiqën afër 200.000 njerëz. Është e pamundur të përcaktohet bilanci i pasojave të rrezatimit në vitet pas lëshimit të bombës.
Bomba atomike shpërtheu mbi Hiroshimë në një lartësi prej rreth 600 metra, duke shkaktuar një valë të të nxehtit deri në 5.000 gradë Celsius, valë kjo goditëse shumë e fortë me shpejtësi prej 800 kilometra në orë duke prodhuar edhe stuhi flakësh që shkatërruan pothuajse çdo gjë brenda sipërfaqes prej dymbëdhjetë kilometra katrorë. /tesheshi.com/
