Shpeshherë edhe pse e përmbajmë veten nga tundimet dhe mendojmë se ushqimin e shëndetshëm e kemi kthyer në mënyrë jetese, nuk arrijmë të humbim peshë. Ndodh që të mashtohemi nga shumë ushqime që mendojme se janë të shëndetshme por në të vërtetë janë plot kolorante, sheqer dhe shumë kimikate të tjera.
Salcat
Në vend që të zgjedhim një pjatë kalorike zgjedhim sallatë, mirëpo i shtojmë një salcë e cila mund të jetë shumë kalorike (me majonez, pana, vajra apo yndyra të tjera). E vetmja gjë që mund t’i shtoni sallatës është shumë pak vaj ulliri dhe uthull. Salcat e tjera si keçapi apo mustarda janë plot me sheqer dhe yndyra.
Miks frutash të thata
Zakonisht këto lloj përzierjesh frutash të thata janë plotë yndyrna dhe kripë. Më mirë zgjidhni fruta të thata veç dhe jo të paketuara.
Kos frutash
Qëndroni larg kosit të frutave. Edhe pse në etiketat e tyre mund të lexoni se përmbajnë plot fruta apo janë të shëndetshme, mjafton të shikoni tek lista e përbërësve për përmbajtjen e sheqerit per të kuptuar sa shumë sheqer ka në një kos të vetëm.
Lëngjet “e shëndetshme”
Të gjitha lëngjet e ftutave të paketuara përmbajnë patjetër sheqer të shtuar dhe kolorantë, ndaj rrini larg tyre. Edhe Milkshake apo ,iks me lëngje frutash janë plot konservantë dhe sheqer.
Tërshërë, musli apo granola të ëmbëlsuara
Janë plotë sheqer, konservantë dhe kimikate për të shtuar aromën dhe shijen. Më mirë përgatiteni vetë në shtepi një tas me musli apo granola duke përdorur produkte të shëndetshme. Tërshërën zgjidheni natyrale, pra jo të ëmbëltuar dhë nëse ju pëlqen e embël atëherë përgatiteni me pak qumësht ose kos, kanellë dhe pak mjalt. /tesheshi.com/
