Arabia Saudite dhe Turqia kanë nënshkruar një sërë memorandumesh mirëkuptimi në shumë fusha, duke përfshirë energjinë, investimet direkte dhe industrinë e mbrojtjes.
Presidenti turk Rexhep Tajip Erdogan dhe Princi i Kurorës Saudite Mohammed bin Salman ishin të pranishëm në ceremoninë e nënshkrimit të marrëveshjeve dypalëshe midis dy vendeve, njoftoi agjencia shtetërore saudite e lajmeve SPA.
Mbretëria gjithashtu nënshkroi dy kontrata me kompaninë turke të mbrojtjes Baykar.
Erdogan u takua me princin e kurorës të hënën vonë në mbrëmje.
Ai mbërriti në mbretëri më herët të hënën, ndalesa e parë e një turneu të Gjirit, me “shpresa të mëdha” për investime dhe financa ndërsa Turqia kërkon të lehtësojë presionet buxhetore, inflacionin kronik dhe dobësimin e monedhës.
Turneu i Erdoganit në vendet e Gjirit, i cili përfshin Katarin dhe Emiratet e Bashkuara Arabe, është planifikuar të përfundojë më 19 korrik. /tesheshi.com/
