Nëse mendon se puçrrat në fytyrë janë vetëm problem i adoleshentëve, është më mirë të ndryshosh këtë mendim. Miliona gra të moshës 30 ose 40 vjeçare në mbarë botën kanë sot probleme serioze me aknet.
Studimet e mjekëve që kujdesen për kurimin e problemeve të lëkurës së fytyrës në Britaninë e Madhe theksojnë se problemet e fytyrës tek gratë e kësaj grupmoshe po vijnë në rritje. Shkaktarë kryesorë janë stresi, çrregullimet hormonale, ushqimi jo i shëndetshëm, kryesisht me përmbajte sheqeri, ajri i ndotur dhe pluhurat.
Dermatologët sugjerojnë që puçrrat me origjinë nga problemet hormonale të trajtohen me marrjen e kontraceptivëve. Gjithnjë të rekomanduara nga mjekët e tyre.
Aktiviteti fizik, ushtrimet e ndryshme janë të dytat që listohen nga mjekët. Ushtrimet fizike sipas tyre ndihmojnë në hapjen e poreve të fytyrës, duke mundësuar shpërthimin e djersës. Ushqimi i shëndetshëm duke eliminuar ëmbëlsirat, është një tjetër rekomandim i rëndësishëm.
Mjekët thonë se sa më shumë sheqer dhe ushqime me karbohidrate që gratë konsumojnë, aq më shumë shtohet përkeqësimi i situatës së akneve nga fytyra e tyre.
Gjithashtu këto gra duhet të konsumojnë shumë ujë gjatë gjithë ditës theksojnë mjekët./tesheshi.com/
