Mandarinat e këtij sezoni jo vetëm na ëmbëlsojnë ditën, por mund edhe të përdoren për shumë gjëra të tjera. Ndaj mos i hidhni. Mund të përfitoni nga idetë e mëposhtme:
Pse duhet të ruani lëkurat e mandarinës
Mendoni për mandarinat dhe lëngun me vitamina, por edhe për lëkurën e tyre, sepse në fakt të gjitha agrumet i kanë këto veti. Shtresa e jashtme, pra lëkura është e pasur me vajra aromatikë që kanë fuqinë të ruajnë aromën delikate dhe shijen, sa herë e prekim.
Ja disa mënyra se si mund ta ruani aromën e tyre
Thajini në furrë: Jo më shumë se 140 gradë. Koha varion sipas lagështisë së lëkurës, por zakonisht zgjat deri në 30 minuta. Më pas mbyllini në një enë hermetike.
Ruajini në frigorifer: Lëkurat e mandarinave mund të ruhen në frigorifer, në një qese hermetike, e mbyllur shumë mirë, për disa muaj.
Në ngrirje: Nëse i grini imët lëkurat mund t’i fusni në ngrirje, në një qese hermetike dhe t’i përdorni më vonë.
Mënyrat e përdorimit të lëkurave
Ato mund të përdoren për ëmbëlsira, për pije, për likere, për gatime të ndryshme, për të gatuar mishin e pulës, për kokteile të ndryshme. Gjithashtu, ato mund të përdoren për një bërë qiri natyral./tesheshi.com/
