Diplomacia nuk është një art që ushtrohet vetëm në tryezën e bisedimeve por edhe në tryezën e darkës.
Me anë të një kolazhi fotografish, gazeta prestiogjioze “The Guardian” sjell momentet më pikante të darkës së samitit të G20, që mblodhi në tryezë liderët botërorë së bashku me shoqëruesit e tyre, qofshin gra, ministra apo këshilltarë.
Së pari, bie në sy se presidenti rus dhe Zonja e Parë e Amerikës kanë qenë pranë e pranë në banketin e samitit. Ata janë parë të qeshur e bashkëbisedues të mirë ndërsa qëndrojnë të ulur në tryezën e liderëve botërorë dhe grave të tyre.
Putin e Melania Trump janë të buzëqeshur ndërsa bisedojnë
Presidenti amerikan, Donald Trump ishte ulur larg së shoqes dhe pranë Juliana Awada, gruas së presidentit argjentinas.
Në anën tjetër të tryezës ishte presidenti kinez, Xi Jinping dhe Brigitte Macron, gruaja e presidentit francez.
Justin Trudeau, ishte pjesëmarrës në tryezë.
Samiti i G20 është një forum ndërkombëtar për qeveritë e 20 ekonomive më të mëdha të botës. Ai zhvilloi punimet në Hamburg të premten dhe të shtunën, ndërsa u shoqërua me protesta të dhunshme në rrugët e qytetit. Deklarata përfundimtare e samitit, ishte një deklaratë e 19 vendeve, thanë mediat ndërkombëtare.
Samiti u dominua nga një takim i gjatë midis Trump dhe Putin, gjatë të cilit presidenti rus mohoi ndërhyrjen në zgjedhjet amerikane.
Darka pasoi një koncert në sallën Elbphilharmonie që u shfaq për liderët e G20 dhe bashkëshortet e tyre. Vajza e Donald Trump, Ivanka dhe burri i saj, këshilltari i Shtëpisë së Bardhë, Jared Kushner morën pjesë në këtë koncert.
Trump dhe Zonja e Parë ishin ulur pranë presidentit Emmanuel Macron të Francës dhe gruas së tij gjatë performancës.
Kancelarja gjermane, Angela Merkel, e cila ishte edhe mikpritëse e samitit, ishte ulur në mes të tryezës.
Përpara se të jepej deklarata përfundimtare e samitit, liderët e G20 pozuan së bashku me bashkëshortet e tyre për foton tradicionale “familjare”.
