Shtetet e Bashkuara u goditën me erën më të ftohtë të regjistruar dhe një temperaturë prej minus 77 gradë Celsius në New Hampshire, tha shërbimi i motit, pasi gati 100 milionë njerëz në Amerikën e Veriut u goditën nga i ftohti arktik.
Shërbimi Kombëtar i motit i SHBA-së (NWS) njoftoi se të premten erërat e akullta në malin Uashington në New Hampshire shkaktuan një të ftohtë prej minus 77 gradë Celsius, që është temperatura më e ulët e regjistruar ndonjëherë në atë mal.
Gati 100 milionë njerëz në të gjithë verilindjen e SHBA-së dhe Kanadasë u prekën nga temperaturat jashtëzakonisht të ftohta, me autoritetet që paralajmëruan se ngrirja mund të ndodhë në më pak se 10 minuta.
Autoritetet u kërkuan banorëve nga Manitoba, Kanada në Maine, SHBA, të kufizojnë kohën e tyre të kaluar jashtë deri të shtunën.
Speaking of Malone, check out the camera view this morning!
Snow "dunes" move across the open plain, driven by the same wind that is currently producing -45F wind chills here. This is one of the cooler phenomenon the @nysmesonet can observe. #nywx pic.twitter.com/HEg7xrSZi1
— Nick P Bassill (@NickPBassill) February 3, 2023
Efekti i kombinuar i erës dhe i të ftohtit pritet të sjellë temperaturat më të ftohta që nga vitet 1980 në Maine, New England, si dhe në Quebec dhe pjesë të Kanadasë lindore.
Një gjendje e jashtëzakonshme u shpall në Boston për shkak të të ftohtit dhe shkollat publike u mbyllën, si dhe Worcester dhe Buffalo aty pranë, New York.
New York-u, i cili regjistroi temperatura prej minus 23 gradë Celsius, miratoi një urdhëresë emergjente që lejonte të pastrehët të shkonin në çdo strehimore për t’i shpëtuar të ftohtit.
Temperaturat e ulëta prekën gjithashtu shtetet Michigan, Wisconsin, Indiana, Illinois dhe Ohio në Midperëndim të SHBA-së.
Temperaturat jashtëzakonisht të ulëta prekën edhe pjesë të Kanadasë: pjesën më të madhe të Quebec-ut dhe të gjithë Ontarios, si dhe një pjesë të Manitobas, ndërsa Toronto regjistroi një temperaturë prej minus 29 gradë Celsius të premten.
10°F 🌫️ Dense #Ice #Fog.
Vis reduced: < 1/4mi
Roads: Compact #snow & ice.N. #Flathead • NW #Montana • #MTwx • @NWSMissoula pic.twitter.com/KBpUoPl2ER
— ☔️ℂℂ WxWitch (@CC_WxWitch) February 3, 2023
Rënia e temperaturave u shkaktua nga një front i fortë arktik që shtrihet nga provincat detare të Kanadasë deri në pjesët qendrore të SHBA.
Të paktën 11 persona kanë vdekur në stuhitë në jug të SHBA që nga e hëna.
Kishte tetë vdekje në Teksas, dy në Oklahoma dhe një në Arkansas.
Më shumë se 250,000 njerëz ishin pa energji të premten mbrëma në Teksas, Arkansas, Misisipi, Tenesi dhe New York. /tesheshi.com/
