Diego Costa është dënuar nga federata e Futbollit Anglez e cila e pezulloi atë për tre takimet e tjera, për shkak të sjelljes në ndeshjen kundër Arsenalit.
Arbitri Mike Dean vendosi mos ta ndëshkojë sulmuesin e bluve, por federata Angleze nuk ka ndarë të njëjtin mendim.
“Akuza për Diego Costan ka të bëjë me sjelljet e dhunshme të cilat nuk u panë nga gjyqtarët kryesorë në lojë, por kemi gjetur filmime të cilat janë të miratuara nga komisioni rregullues i pavarur”, thuhet në njoftimin e federatës.
Sulmuesi i Chelsea-t duhet ta kryejë dënimin, duke mos u paraqitur në fushë në tre ndeshjet e radhës.
Lojtari i ka mohuar akuzat që i bëhen, mes të cilave edhe incidenti me lojtarin e Arsenalit, Laurent Koscielny në minutën e 43 në ndeshjen e cila u zhvillua të shtunën më 19 Shtator 2015.
Por ndëshkim të njëjtë ka edhe lojtari tjetër kundërshtar, mbrojtësi i Arsenalit, Gabriel, pasi që u përfshi në një zënkë me Costan. /tesheshi.com/
