Jared Kushner, dhëndrri i presidentit amerikan, i cili kryen detyrën edhe të këshilltarit të lartë të Donald Trump, ka përdorur emalin privat për të kryer punë zyrtare të Shtëpisë së Bardhë.
Avokati Abbe Lowell konfirmoi se Kushner, në periudhën janar-gusht, “ka pranuar ose ka kthyer më pak se 100 emaile te kolegët e Shtëpisë së Bardhë nga llogaria e tij personale”.
Gjatë fushatës zgjedhore, Trump ka kritikuar vazhdimisht rivalen e tij demokrate, Hillary Clinton, për përdorimin e emailit privat gjatë kohës së ka qenë sekretare e shtetit.
Trump paralajmëroi se do të burgoste Clintonin për shkak se mund të kishte keqpërdorur informacionet e klasifikuara.
Hetimet për këtë çështje janë mbyllur pa akuza.
Rregulloret federale e specifikojnë se si duhet të mbahen shënimet lidhur me presidentin dhe aktivitetet e tjera të qeverisë.
Përdorimi i llogarive private mund të vendosë regjistrimet zyrtare përtej qasjes së gazetarëve, ligjvënësve dhe të tjerëve që kërkojnë informata të disponueshme për publikun. /tesheshi.com/
